Ferramentas dixitais para o sector primario: Refuxio

Refugio é unha ferramenta, unha  app móbil que serve para a realización de auditorías en cultivos. Para comprender o seu funcionamento, Ramón Rama -o noso xefe de proxecto-, conta que “hai unha situación previa na que unha parte dos cultivos déixase como Intacta e outra como Refuxio -nesta ligazón explican as características de cada unha delas-. A aplicación permite  auditar de maneira áxil e sinxela estas zonas e contrastar os datos que ofrece cada unha”. 

O obxectivo é comparar a calidade dos cultivos resultantes en cada caso. Que papel xoga aquí a aplicación? 

Os auditores entran cun usuario e contrasinal e poden descargar a axenda de actividades a realizar nos cultivos, podendo traballar sen conexión e coa garantía de  sincronización dos datos unha vez o dispositivo poida conectarse á rede. Os auditores son coordinados a través da  app por un administrador central, figura que conta cuns privilexios de administración específicos. 

De igual forma que no caso de  Agroint, a necesidade de contar con ferramentas dixitais que permitan traballar sen internet é fundamental, dado que os auditores pasan varios días realizando o seu traballo en extensións quilométricas onde a conexión a internet é máis que deficiente. 

Este factor é de especial importancia para a función de  mapeado interactivo. “Cando o auditor recibe as súas lista de parcelas de cultivo a  app permítelle descargar os mapas cando está conectado para, unha vez chegou ao lugar a  auditar, poida traballar  off  line”, sinala Ramón.