Que é o SEO? Importancia en deseño e desenvolvemento web

Centrámonos agora no SEO on page, xa que é aquel onde o desenvolvemento web ten máis que achegar. O desenvolvemento e o deseño web teñen que servir para que o buscador entenda que a páxina web é a máis axeitada para responder as necesidades do usuario e a sitúe nas primeiras posicións dos seus resultados. 

Que elementos se deben de ter en conta en desenvolvemento web? Vexamos os máis importantes. 

Arquitectura web

É a estrutura do sitio web, as diferentes seccións que o compoñen e a importancia de cada un deles. A páxina principal, o blogue, a tenda, as categorías… todos estes elementos, ben ordenados e xerarquizados, axudan aos rastrexadores (crawlers) do buscador para entender cal é a temática da web e a xulgar a súa oportunidade para mostrala nunha procura determinada. 

Títulos e metas

Cada páxina dun sitio web debe contar cun título e unha descrición únicos. Son os dous elementos máis destacados que mostra un buscador no seu índice de resultados sobre unha web. O título ten que conter a palabra clave da procura para a que se quere posicionar a páxina. A descrición debe complementar o título e incentivar o clic por parte do usuario. Exemplo: 

Mobile First

O teléfono móbil converteuse no principal dispositivo de navegación por Internet para a maioría de usuarios, cuestión que fai moi importante que o sitio web se desenvolva baixo os preceptos do Mobile First. É dicir, a formulación do desenvolvemento e do deseño deben ter en conta en primeira instancia o consumo desde un dispositivo móbil e desde aí adaptar a maiores resolucións de pantalla (tablet e dispositivos de escritorio). 

Deseño e desenvolvemento web deben poñer o foco na organización dos elementos, o tamaño de letra, a optimización das imaxes e vídeos, a non inclusión de calquera elemento non crítico para a resolución da necesidade do usuario… a velocidade de carga é primordial. A maioría de usuarios abandonan un sitio web se tarda máis de 3 segundos en cargarse.   

UX/ UI

Cando falamos de UX referímonos á experiencia de usuario. O deseño e desenvolvemento deben enfocarse á resolución da necesidade do usuario da maneira máis simple e rápida posible e ademais xerar no mesmo unha emoción positiva. A velocidade de carga inflúe na UX, unha boa arquitectura web inflúe de maneira definitiva na UX, o desenvolvemento dunha pasarela de pago cómoda, versátil e segura nun ecommerce favorece a UX.

Pola súa banda, a UI ou interface de usuario atende a todos os elementos visuais. A UI céntrase na funcionalidade dos diferentes elementos e como estes serven para satisfacer o propósito do usuario: as cores, a tipografía, a organización dos diferentes elementos, os textos…